პრეზიდენის გიორგი მარგველაშვილის შეფასებით, საქართველოსთვის ყველაზე დიდი პრობლემა მცოცავი ოკუპაციაა, - ამის შესახებ საქართველოს პრეზიდენტმა ბათუმში, რიგით მე-14 საერთაშორისო კონფერენციის "საქართველოს ევროპული გზა - რეგიონული სტაბილურობის უზრუნველყოფა" გახსნაზე განაცხადა. 

პრეზიდენტის თქმით, საქართველო ამ პრობლემატიკის მიმართაც უარღესი პასუხისმგებლობით და მოთმინების უნარით გამოირჩევა.

"გრძელდება მცოცავი ოკუპაცია. როდესაც კომენტარები მცოცავ ოკუპაციაში არის აღვსილი ცინიზმით, ეს დაძაბულობის შემტანია რეგიონში. საქართველო ამ პრობლემატიკის მიმართაც გამოირჩევა უარღესი პასუხისმგებლობით და მოთმინების უნარით. ჩვენი დამოკიდებულება იმ ისტორიულ უსამართლობაზე, რომელიც რამდენიმე კილომეტრში ხდება, ოკუპაციის სახით, გვაქვს ევროპულ გამოცდილებაზე დამყარებული დამოკიდებულება. ჩვენ ვამბობთ, რომ უსამართლობის კედლები, რომელიც აგებულია უსამართლობის და სხვისი ჩაგვრის საფუძველზე ისე დაინგრევა, როგორც დაინგრა ეს კედლები ევროპაში, მოთმინების, საკუთარი შესაძლებლობის მაქსიმალური რეალიზაციის და მშვიდობიანი პროცესის შედეგად", - აღნიშნა გიორგი მარგველაშვილმა. 

მან საქართველოს მეგობარი ქვეყნების წარმომადგენლებს მოუწოდა, როდესაც საქმე ეხება საქართველოს ინტერესების და ქვეყნის ტერიტორიული მთლიანობის ხელყოფას უარღესად პრინციპულები იყვნენ.  

"არც ერთი ნაბიჯი, არც ერთი მეტრი იმ მიწის, რომელსაც სრულიად უკანონოდ უკეთებს ოკუპაციას რუსეთის ფედერაცია, არც ერთი შემთხვევა ახალი ბარიერების გავლებისა, არ უნდა დარჩეს ყურადღების მიღმა, არამარტო ჩვენი მოქალაქეების, არამედ თქვენ მიერაც, ჩვენი კოლეგებო და მეგობრებო. ასეთი უსამართლობა არ მთავდრება ხოლმე იქ, სადაც ის მთავრდება. ყოველთვის ასე უსამართლოდ გავლებულ საზღვრებს და კედელებს მოჰყვება თავისი ექო სხვა შემთხვევბში, ამიტომ ყოველთვის ჩვენ მზად ვართ, ვიყოთ პრინციპული და მოველით თქვენგანაც ნათელ და მკაფიო შეფასებას, რომელსაც ახორციელებს რუსეთის ფედერაცია. საქართველო არავის პრივილეგირებული ინტერესის სფერო არ არის, საქართველო არის ქვეყანა, რომელიც თავის იდენტობას საუკუნეების განმავლობაში ახორციელებდა და მომავალ საუკუნეებშიც განახორციელებს", - განაცხადა გიორგი მარგევლაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება