თბილისის მერმა დავით ნარმანიამ, მერის მოადგილეებმა გიგა ნიკოლეიშვილმა და ნატო ქიტიაშვილმა, გლდანის რაიონის გამგებელთან დიმიტრი ორმოცაძესთან ერთად, გლდანის რაიონში  მიმდინარე და დასრულებული ინფრასტრუქტურული სამუშაოები დაათვალიერეს.

დავით ნარმანიამ და დიმიტრი ორმოცაძემ გლდანში, 6 მ/რ-ის N17 კორპუსის მიმდებარედ ახალი სპორტული მოედანი გახსნეს.

,,გლდანის რაიონში გამგეობა რამდენიმე პროექტს ახორციელებს პარალელურ რეჟიმში და ვეცნობით ამ პროექტების მიმდინარეობას. იგება შიდა კვარტალური გზები, კეთდება სათამაშო მოედნები ბავშვებისთვის, რამდენიმე ადგილზე კეთდება პანდუსები შეზღუდული შესაძლებლობის მქონე პირებისთვის. ასევე, ვეცნობით მოსახლეობის საჭიროებებს, რათა ყველა ის საკითხი მოვაგვაროთ, რათ მათ აწუხებთ”, - განაცხადა დავით ნარმანიამ.

 500  კვ.მ-ზე მოეწყო ბეტონის საფარი, შეიცვალა მავთულ-ბადეები, დამონტაჟდა კალათბურთის ფარები, ფეხბურთის კარები და დაიგო ხელოვნური საფარი.

გარდა ამისა, თბილისის მერი ამავე მისამართზე კიბის მოწყობის სამუშაოებს გაეცნო, რომელიც შეზღუდული შესაძლებლობის მქონე პირებისთვის ადაპტირდება და სამუშაოების შედეგად მოეწყობა 32 მეტრი სიგრძის პანდუსი 7 % -იანი ქანობით.

პარალელურად, 5 500 კვ.მ-მდე გზის კეთილმოწყობის სამუშაოები მიმდინარეობს ჯანჯღავას II შესახვევსა და მიმდებარე ჩიხებში, სადაც ორი ფენა ასფალტის საფარი იგება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.