ვენეციის კომისიის პრეზიდენტმა ჯანი ბუკიკიომ  განაცხდა, რომ 1993 წლიდან  საქართველოს აკვირდება და ის ნაბიჯ-ნაბიჯ მიიწევს წინ. 

მისი თქმით, ნებისმიერ კონსტიტუციურ რეფორმას სჭირდება ფართო კონსენსუსი არამხოლოდ პარტიებს შორის, არამედ - საზოგადოებაშიც.

„სამწუხარო იქნება, თუ ეს ძალისხმევა იქნება ანულირებული, ამიტომ ყველა პოლიტიკურმა პარტიამ ყველაფერი უნდა გააკეთოს, რომ დაასრულონ ეს პროცესი. 

საქმე ახლა აქ არის საქართველოში, პოლიტიკურ პარტიებს შორის, მათ უნდა იპოვონ გადაწყვეტის გზა, რომელიც იქნება შესაბამისობაში ჩვენს მოსაზრებებთან და, რა თქმა უნდა, ევროპულ სტანდარტებთან. ყველა კონსტიტუციური რეფორმა საჭიროებს ფართო კონსენსუსს არამხოლოდ პარტიებს შორის, არამედ საზოგადოებაში. 

მე ვფიქრობ, რომ რაც გაკეთდა ამ დრომდე, არის კარგი, რამდენიმე დეტალის გამოკლებით, რომელიც შეიძლება იოლად გამოსწორდეს. ახლა, ბოლო გადაწყვეტილებების შემდეგ, ყველაფერი ისევ ჰაერშია და ეს გულდასაწყვეტია. 

მე შევხვდები ყველა პოლიტიკურ პარტიას და გავიმეორებ იგივე მესიჯს ყველასთვის - იყავით კონსტრუქციულები და არა დესტრუქციულები“, - განაცხადა ჯანი ბუკიკიომ. 

ცნობისთვის, ვენეციის კომისიის პრეზიდენტი დაესწრო საქართველო პრეზიდენტის სახელით გამართულ მიღებას, რომელიც ბათუმში, სასტუმრო „შერატონში“, ევროპის საკონსტიტუციო სასამართლოების რიგით მე-17 კონგრესის სტუმრებისთვის გაიმართა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

2026 წლის მსოფლიო ჩემპიონატის სკანდალი: როგორ გააუქმა ტრამპმა წითელი ბარათი

Financial Times: აშშ უკრაინას რუსეთის ნავთობობიექტებზე თავდასხმებში ეხმარება

გერმანიის სამხედრო ხარჯები ცივი ომის შემდეგ უნახავ დონეს მიაღწევს

„როსატომმა“ კურსკის ატომურ ელექტროსადგურზე დრონებით თავდასხმის შესახებ განაცხადა