შსს-ს განსაკუთრებულ დავალებათა დეპარტამენტს იტალიის კარაბინიერთა კორპუსის წარმომადგენლები ეწვივნენ

2017-06-27 15:01:40, 2192 ნახვა

სამართალი

შსს-ს განსაკუთრებულ დავალებათა დეპარტამენტს საქართველოში სამუშაო ვიზიტით მყოფი იტალიის რესპუბლიკის კარაბინიერთა კორპუსის მეთაური, გენერალ-ლეიტენანტი ტულიო დელ სეტე დელეგაციასთან ერთად ეწვია.

სტუმრებს შს მინისტრის მოადგილემ, მერაბ მალანიამ და შსს-ს განსაკუთრებულ დავალებათა დეპარტამენტის დირექტორმა, მინდია ლორთქიფანიძემ უმასპინძლეს.

შსს-ს ინფორმაციით, შეხვედრაზე განსაკუთრებულ დავალებათა დეპარტამენტის თანამშრომლებმა დელეგაციის წევრებს დეპარტამენტში მიმდინარე და დაგეგმილი პროექტების შესახებ პრეზენტაცია წარუდგინეს.

პრეზენტაციის დასრულების შემდეგ, შსს-ს განსაკუთრებულ დავალებათა დეპარტამენტის საბრძოლო მომზადებისა და გადამზადების სამმართველოში, იალღუჯაზე, შსს-ს სტრუქტურული დანაყოფების ორგანიზებული დანაშაულის წინააღმდეგ ბრძოლაში ერთობლივი მოქმედების საჩვენებელი წვრთნა ჩატარდა.

საჩვენებელ წვრთნაში მონაწილეობდნენ შსს-ს განსაკუთრებულ დავალებათა დეპარტამენტის საბრძოლო მომზადებისა და გადამზადების სამმართველოს, სტრატეგიული ობიექტების დაცვის დეპარტამენტის, სასაზღვრო პოლიციის, საექსპერტო-კრიმინალისტიკური სამსახურის, საპატრულო პოლიციის დეპარტამენტის, კრიმინალური პოლიციის დეპარტამენტის და საგანგებო სიტუაციების მართვის სააგენტოს თანამშრომლები.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან