ქაბულში მდებარე ერთ-ერთ მეჩეთში ბომბი აფეთქდა

2017-06-15 23:35:29, 2628 ნახვა

მსოფლიო

ავღანეთის დედაქალაქის დასავლეთით მდებარე ალ-ზაჰრას შიიტურ მეჩეთში საღამოს ლოცვის დროს ტერაქტი მოხდა, - ამის შესახებ BBC იუწყება.

ავღანეთის შინაგან საქმეთა სამინისტროს ინფორმაციით, აფეთქებას მსხვერპლი მოჰყვა.

მედია გავრცელებული ცნობით, ამ ეტაპისტვის გარდაცვლილად მხოლოდ 3 ადამიანი სახელდება, მათ შორის ერთი ოფიცერი.

თვითმხილველების თქმით, ასაფეთქებელი მოწყობილობა მეჩეთში იყო დამონტაჟებული, აფეთქებიდან რამდენიმე წუთში კი შეიარაღებულმა მამაკაცმა ხალხს ცეცხლი გაუხსნა. სხვა დამატებითი დეტალები ამ დროისთვის უცნობია. ჯერ არც ერთ ტერორისტულ დაჯგუფებას მომხდარზე პასუხისმგებლობა არ აუღია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან