ლონდონში მომხდარ ძლიერ ხანძარს 17 ადამიანი ემსხვერპლა, - ამის შესახებ BBC იუწყება.

მედია საშუალების ინფორმაციით, 30-ზე მეტი ადამიანი ამ დრომდე საავადმყოფოში იმყოფება, მათ შორის 17 კრიტიკულ მდგომაროებაშია. 

გარდა ამისა, მეხანძრეების განცხადებით, დაღუპულთა რიცხვი შესაძლოა ისევ გაიზარდოს. 
"ხანძრის მასშტაბურობიდან გამომდინარე, სასწაული უნდა მოხდეს, რომ ვინმე ცოცხალი ვიპოვოთ", - განაცხადა ლონდონის სახანძრო სამსახურის კომისარმა დენი კოტონმა. 

ამ დრომდე, უცნობია, თუ რამდენი ადამიანი იმყოფებოდა შენობაში ხანძრის დროს. უამრავი ადამიანი უგზოუკლოდ დაკარგული ითვლება. 

კოტონის თქმით, სამძებრო სამუშაოები შესაძლოა, რამდენიმე კვირის განმავლობაში გაგრძელდეს. 

შეგახსენებთ, რომ ლონდონში საცხოვრებელ კორპუსს ცეცხლი გაუჩნდა. ხანძარი ლონდონის დასავლეთით, Grenfell-ის მრავალსართულიან საცხოვრებელი კომპლექს გაუჩნდა. არსებობს საშიშროება, რომ შენობა ჩამოინგრევა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის