აზერბაიჯანელი ჟურნალისტის აფგან მუხთარლის ადვოკატის არჩილ ჩოფიკაშვილის განცხადებით, ევროპარლამენტის მიერ მირებულ რეზოლუციაში საქართველოს მიმართ ძალიან ცუდი აქცენტები იქნება გაკეთებული.

როგორც ჩოფიკაშვილმა აღნიშნა,  საქართველოში გამოძიება ეფექტურად არ მიმდინარეობს. 

"საქმეს დღემდე რაიონული განყოფილება იძიებს, როცა კანონით მთავარი პროკურატურა უნდა იძიებდეს. ნაცვლად იმისა, რომ ხდებოდეს ძირითადი ვერსიის გამოძიება მონაწილეობდნენ თუ არა ქართული სპეცსამსახურები გატაცებაში, ხდება მოწმეების შეგროვება, ვინც არაფერი იცის საქმესთან დაკავშირებით. სწორედ ასეთი გამოძიების პირობებში, ბუნებრივია, ვერ ჩაითვლება გამოძიების მიმდინარეობა ეფექტურად. სწორედ ამიტომაც, საქართველოს კრიტიკა იქნება“, - განუცხადა ჩოფიკაშვილმა საზოგადოებრივს.

ცნობისთვის, დღეს ევროპარლამენტში რეზოლუციის პროექტზე დებატები გაიმართება, რომელიც აზერბაიჯანში მედიის მდგომარეობას და აფგან მუხთარლის საქმეს ეხება.  

შეგახსენებთ, რომ საქართველოდან 29 მაისს გატაცებული აფგან მუხთარლი ბაქოს იზოლატორში იმყოფება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის