„გალტ & თაგარტის“ საქართველოს ტურიზმის სექტორის ყოველთვიური მიმოხილვა დღეიდან დაინტერესებული პირებისთვის ქართულ ენაზეც იქნება ხელმისაწვდომი.

აღნიშნულ მიმოხილვას „გალტ & თაგარტი” ინგლისურ ენაზე 2016 წლის ნოემბრიდან აქვეყნებს, თუმცა გამომდინარე იქიდან, რომ ტურიზმის სექტორის ყოველთვიური მიმოხილვა „გალტ & თაგარტის” ერთერთი ყველაზე მოთხოვნადი პროდუქტია, ამასთან აღნიშნულ სექტორში ინვესტორთა დიდი ნაწილი ქართველია, დღეიდან მიმოხილვა  ხელმისაწვდომი იქნება ქართულ ენაზეც. 

ტურიზმის სექტორის მიმოხილვა ყოველი თვის დასაწყისში ქვეყნდება და მიმოიხილავს გასული თვის სექტორულ სტატისტიკას და ახალ ამბებს. ტურიზმის სექტორის სტატისტიკაში  დეტალურადაა ჩაშლილი ვიზიტორების რაოდენობა, მათი ქვეყნების და კატეგორიების მიხედვით განაწილება და ა.შ. სექტორის მიმოხილვის ახალ ამბებში მოცემულია ინფორმაცია ინვესტორთა გეგმების, სასტუმროების განვითარების, ბაზარზე ახალი მოთამაშეების გამოჩენის შესახებ. ასევე, საქართველოს აეროპორტებში და საქართველოს დაცულ ტერიტორიებზე არსებულ ვიზიტორთა დინამიკის და ახალი რეისების შესახებ. ამასთან, მიმოხილვაში საუბარია ისეთ მნიშვნელოვან საკითხებზე, როგორიც არის საქართველოში ახალი კურორტების განვითარება.

„გალტ & თაგარტის” მიერ ტურიზმის სექტორის შესახებ მომზადებული მიმოხილვა უფასოა და ყოველი თვის დასაწყისში, ყველა დაინტერესებულ პირს შეუძლია იხილოს ვებგვერდზე: www.gtresearch.ge.

„გალტ & თაგარტი“ მუდმივად  აკვირდება საქართველოში მნიშვნელოვან ეკონომიკურ სექტორებს, როგორებიცაა ტურიზმი, ენერგეტიკა, ჯანდაცვა, სოფლის მეურნეობა, ღვინო. მკითხველს სთავაზობს სხვადასხვა ტიპის პროდუქტს, მათ შორის სექტორების სიღრმისეულ წლიურ კვლევებს, ენერგეტიკის  ყოველთვიურ მიმოხილვას, და საქართველოს და აზერბაიჯანის ეკონომიკების ყოველკვირეულ მიმოხილვას.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს