კალაძე: ქვეყანაში ნარკოპოლიტიკა რადიკალურად არის შესაცვლელი

2017-06-11 00:57:31, 1903 ნახვა

საზოგადოება

ენერგეტიკის მინისტრი კახა კალაძე "Birja Mafia"-ს მხარდამჭერ საპროტესტო აქციას ვიდეომიმართვით გამოეხმაურა.

კალაძის განცხადებით, ქვეყნის ნარკოპოლიტიკა რადიკალურად არის შესაცვლელი.

"მინდა გამოვეხმაურო თბილისში გამართულ საპროტესტო აქციას და აღვნიშნო, რომ ქვეყანაში ნარკოპოლიტიკა რადიკალურად არის შესაცვლელი. მოხარული ვარ, რომ პრემიერმინისტრმა ამ რეფორმის დაჩქარება სთხოვა პარლამენტს.

რაც შეეხება კონკრეტულ ფაქტს, თითოეული ჩვენგანისთვის მიუღებელია, როცა ძალოვანი სტრუქტურის თანამშრომლის მხრიდან, თუნდაც ეჭვის დონეზე, ვუშვებთ ნარკოტიკის ჩადების შესაძლებლობას. ეს ყველაფერი წარსულში უნდა დარჩეს და დარჩება, როცა მოხდება ნარკოპოლიტიკის ლიბერალიზაცია და პოლიციის რეფორმის ბოლომდე მიყვანა.", - განაცხადა კახა კალაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან