ამერიკის შეერთებული შტატების პრეზიდენტმა დონალდ ტრამპმა ყატარს ტერორიზმის ფინანსირებაში დასდო ბრალი, - ამის შესახებ BBC იუწყება.

რესპუბლიკელმა პრეზიდენტმა მოუწოდა ყატარის ხელისუფლებას ამ ქმედებას წერტილი დაესვას.

"ყატარი, სამწუხაროდ ისტორიულად ტერორიზმის სპონსორი იყო. ჩვენ მოვუწოდებთ ყატარსა და რეგიონის სხვა ქვეყნებს, რომ დაუყოვნებლივ შეწყვიტონ ტერორიზმის ფინანსირება", - განაცხადა ტრამპმა.

მანამდე კი აშშ-ის სახელმწიფო მდივანმა რექს ტილერსონმა სპარსეთის ყურეს ქვეყნებს, ყატარისთვის ბლოკადის შესუსტებისკენ მოუწოდა. მისი განმარტებით, ეს ხელს უშლის ტერორისტული დაჯგუფება "ისლამური სახელმწიფოს" წინააღმდეგ ბრძოლას.

ამასთან, ტილერსონმა აღნიშნა, რომ ყატარის ბოიკოტი ნეგატიურად აისახება საქმიან ურთიერთობებსა და ვაჭრობაზე, აგრეთვე ზიანს აყენებს ქვეყნის ჩვეულებრივ მოქალაქეებს.

შეგახსენებთ, რომ 9 ქვეყანამ ყატართან დიპლომატიური ურთიერთობები შეწყვიტა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის