ირანის ტერაქტის ოთხივე შემსრულებელი ლიკვიდირებულია

2017-06-07 15:24:36, 2499 ნახვა

მსოფლიო

ოთხივე თავდამსხმელი, რომელიც ირანში პარლამენტის შენობაში შეიჭრა, ლიკვიდირებულია, - ამის შესახებ BBC იუწყება.

სამარტალდამცველების ინფორმაციით, პარლამენტის შენობაში სხვა თავდამსხმელები აღარ არიან.

შეგახსენებთ, რომ ცოტა ხნის წინ ირანის დედაქალაქ თეირანში პარლამენტის შენობაში ტერორისტები შეიჭრნენ. თავდამსხმელებმა შენობაში მყოფ პირებს ცეცხლი გაუხსნეს. გარკვეული პერიოდის განმავლობაში მძევლად 5 ადამიანი ჰყავდათ აყვანილი. პარალელურად კიდევ ერთი თავდასხმა იმამ ჰომეინის მავზოლეუმზე განხორციელდა, სადაც ერთ-ერთმა ტერორისტმა თავი აიფეთქა. დაშავდა 5 ადამიანი. ირანის პარლამენტსა და მავზოლეუმზე თავდასხმის შედეგად დაღუპულთა რაოდენობა 12-მდე გაიზარდა, ხოლო 39 ადამიანი დაშავდა. ტერაქტზე პასუხისმგებლობა "ისლამურმა სახელმწიფომ" აიღო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან