იუსტიციის უმაღლესი საბჭოს წევრობის კანდიდატებს საპარლამენტო ფრაქციებში მოუსმენენ

2017-06-06 17:31:54, 2351 ნახვა

სამართალი

იუსტიციის უმაღლესი საბჭოს წევრობის კანდიდატებს საპარლამენტო ფრაქციებში მოუსმენენ.

გადაწყვეტილება აღნიშნულთან დაკავშირებით ბიუროს დღევანდელ სხდომაზე მიიღეს, რომელიც საორგანიზაციო საკითხების გაცნობას დაეთმო.

იურიდიულ საკითხთა კომიტეტის მიერ წარმოდგენილი 33 კანდიდატის სია, შემდგომი განხილვისთვის ფრაქციებს გადაეგზავნათ, რომლებიც, მაქსიმუმ ორი კვირის ვადაში, იუსტიციის საბჭოს წევრობის კანდიდატებს მოუსმენენ.

ბიუროს სხდომაზე საგარეო ურთიერთობათა კომიტეტის თავმჯდომარის, სოფიო ქაცარავას დიდ ბრიტანეთში და პარლამენტის წევრების დავით მათიკაშვილის და რამაზ ნიკოლაიშვილის მოლდოვაში ვიზიტები ცნობად მიიღეს. ბიუროს წევრები, გარკვეულ კომიტეტებში, ფრაქციებს შორის კვოტების დათმობის შესახებ ინფორმაციასაც გაეცნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან