6 ივნისი, 12:00 საათზე, "აკადემიკოს ვახტანგ ბოჭორიშვილის კლინიკა“  ოფიციალურად გაიხსნება.

ყოფილი „სეფსისის ცენტრი“,  კომპანია „ავერსის“ მართვაში 2014 წლის  1 თებერვლიდან გადავიდა. შენობა იყო ამორტიზირებული  და პირველივე დღიდან დაიწყო სარემონტო სამუშაოები: მოხდა შენობის ხელახალი გადახურვა, კანალიზაციის გამოცვლა, 8000კვ. მეტრი   ძველი შენობის სრული რეკონსტრუქცია, 1800 კვ. მეტრი ფასადის მიშენება, ავტო პარკინგისა და მიმდებარე ტერიტორიის კეთილმოწყობა.

დღეს კლინიკის სახელწოდებაა „აკადემიკოს ვახტანგ ბოჭორიშვილის კლინიკა“, რომელიც გახდა მრავალპროფილური.  შენარჩუნებულია სახელოვანი ტრადიციები და ძველი, პროფესიონალი პერსონალი. თავდაპირველად კლინიკაში მუშაობდა 150 თანამშრომელი, ხოლო ამჟამად  მუშაობს 325, რომელთა რაოდენობა მუდმივად იზრდება.

კლინიკა აღიჭურვა უახლესი  აპარატურით.  ამჟამად  კლინიკაში ფუნქციონირებს, უახლესი მოდელის PHILIPS- ის კომპიუტერული ტომოგრაფი, SHIMADZU -ს ციფრული რენტგენი, GENERAL ELECTRIC- ის ექოსკოპიის აპარატი. მთლიანად განახლებულია პედიატრიული, ქირურგიული, გინეკოლოგიური, ინფექციური, რეანიმაციული დეპარტამენტები.  ასევე, ორი საოპერაციო და  ემერჯენსის განყოფილება. უახლეს პერიოდში დაემატება გადაუდებელი ქირურგიის, ტრავმატოლოგიის, სისხლძარღვთა ქირურგიის დეპარტამენტები.

კლინიკა ჩართული საყოველთაო ჯანდაცვის ყველა პროგრამაში.

„აკადემიკოს ვახტანგ ბოჭორიშვილის კლინიკაში“ დღემდე ჩადებულია 15 მილიონი ლარის ინვესტიცია, რომელიც კომპანია „ავერსი–ფარმამ“ გაიღო  ევროპის რეკონსტრუქციისა და განვითარების ბანკ (EBRD) – ის დაფინანსებით.

„ აკადემიკოს ვახტანგ ბოჭორიშვილის კლინიკის “ ოფიციალურ გახსნას დაესწრებიან: გიორგი კვირიკაშვილი - საქართველო პრემიერ მინისტრი; დავით სერგეენკო  -საქართველოს შრომის, ჯანმრთელობისა და სოციალური დაცვის მინისტრი; ზაზა სოფრომაძე -საქართველოს შრომის, ჯანმრთელობისა და სოციალური დაცვის მინისტრის მოადგილე; ნინო ბერძული -აქართველოს შრომის, ჯანმრთელობისა და სოციალური დაცვის მინისტრის მოადგილე; პაატა კურტანიძე -,,ავერსის“ დამფუძნებელი; ლალი ბოჭორიშვილი -აკადემიკოს ვახტანგ ბოჭორიშვილის ქალიშვილი  და სხვა ოფიციალური პირები.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა