კობახიძე: 94-ე მუხლთან დაკავშირებით სერიოზული მსჯელობა გაიმართება

2017-06-05 12:18:18, 2396 ნახვა

პოლიტიკა კომენტარი

პარლამენტის თავმჯდომარის ირაკლი კობახიძის განცხადებით, კონსტიტუციის 94-ე მუხლთან დაკავშირებით, სიღრმისეული მსჯელობა გაიმართება.

აღნიშნული მუხლი, გადასახადების გაზრდასა და ახალი გადასახადის შემოღებაზე რეფერენდუმის ჩატარებას ითვალისწინებს.

"94 ე მუხლთან დაკავშირებით იყო კამპანია წარმოებული. კონკრეტული ადამიანები ითხოვდნენ არგუმენტების საფუძველზე 94-ე მუხლთან დაკავშირებით ცვლილებების შეტანას. ამაზე იქნება სერიოზული მსჯელობა. როგორი სახით შეიცვლება რეგულაცია, ბოლომდე იქნება ამოღებული, გარკვეული ვადით განისაზღვრება თუ როგორ, ეს საპარლამენტო განხილვის ფორმატში გადაწყდება. თუმცა სერიოზული მსჯელობა ამ საკითხთან დაკავშირებით აუცილებლად შედგება",-აღნიშნა კობახიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან