3 ივნისის ანონსი

2017-06-02 21:19:49, 1532 ნახვა

სპეციალური ანონსი

3 ივნისის ანონსი

3 ივნისს, 09:30 საათზე, სასტუმროში „მილენიუმ ბილტმორი“ შეფასებისა და გამოცდების ეროვნული ცენტრის ორგანიზებით კონფერენცია გაიმართება, რომელშიც საქართველოს ვიცე-პრემიერი, განათლებისა და მეცნიერების მინისტრი ალექსანდრე ჯეჯელავა მიიღებს მონაწილეობას.
თემა: „სახელმწიფო და საერთაშორისო შეფასება: სასკოლო განათლების ძირითადი გამოწვევები“
მის: რუსთაველის გამზ. N29

3 ივნისს, 09:30 საათზე, თბილისში ინოვაციებისა და ტექნოლოგიების სააგენტოში საქართველოს ეკოტურიზმის ასოციაციის მიერ მსოფლიო ბანკის ახალგაზრდული ფონდის ფინანსური მხარდაჭერით, პირველი ფორუმი ჩატარდება.
თემა: ინტერნეტ-საკომუნიკაციო ტექნოლოგიები ტურიზმში.
მის: ოქროყანა, ინოვაციების ქ. N7

3 ივნისს, 10:00 საათზე, სასტუმრო ,,რედისონში“ აშშ-ის ელჩი საქართველოში იან კელი „ამერიკის მთავრობის პროგრამების კურსდამთავრებულთა ასოციაციის ევროპული ქსელის“ (ENAM) მე-10 ყოველწლიურ საერთაშორისო კონფერენციას გახსნის.
თემა: „ევროპა ახალი გამოწვევების წინაშე“.
საკონტაქტო ტელ.: 599 512215

3 ივნისს, 11:00 საათზე, “ხალხის პარტიის” ახალგაზრდული ფრთა თბილისში, პარლამენტის შენობის მთავარ შესასვლელთან აქცია-პერფორმანსს გამართავს, ლოზუნგით “კონსტიტუცია პალტო არ არის”.
მის: რუსთაველის გამზ. #8, პარლამენტის მთავარი შესასვლელი
საკონტაქტო პირი თამარ ქათამაძე - 557 019090

3 ივნისს, 12:00 საათზე, განახლებულ აღმაშენებლის გამზირზე თბილისის ბაგა-ბაღების მართვის სააგენტო, „სოლიდარობის ფონდთან“ ერთად საქველმოქმედო გამოფენას - „პატარა ხელებით“, გამართავს, სადაც თბილისის საჯარო ბაღების აღსაზრდელების მიერ შექმნილი ნივთები გაიყიდება. ღონისძიებას დაესწრება თბილისის მერი დავით ნარმანია, სააგენტოს ხელმძღვანელი თემურ თორდინავა, საკრებულოსა და პარლამენტის დეპუტატები და სხვა მიწვეული სტუმრები.
მის.: ახალი ტფილისი (აღმაშენებლის გამზირის საფეხმავლო ნაწილი)