აზერბაიჯანელი ჟურნალისტის აფგან მუხთარლისა და დემირელის სკოლის მენეჯერის მუსტაფა ემრე ჩაბუქის საქმეები უარესია ვიდრე შევარდნაძის ძირგამომპალი ხელისუფლების მიერ რუსეთისათვის ჩეჩნების გადაცემის საქმე, - ამის შესახებ საქართველოს დემოკრატიული ინიციატივის გამგეობის წევრი, იურისტი გიორგი მშვენიერაძე Facebook-ის საკუთარ გვერდზე წერს.

როგორც მშვენიერაძე აღნიშნავს, საქართველოს ხელისუფლება საშიშ და უთავმოყვარეო თამაშში ჩაერთო.

"ჩვენი, თუნდაც მყიფე, დემოკრატიულობა იმით არის ფასეული, რომ თავისუფალი ადამიანები ჩვენს ქვეყანაში ხედავდნენ საკუთარი მომავლის იმედს და თავს გრძნობდნენ ბევრად უსაფრთხოდ, ვიდრე საკუთარ ავტორიტარულ სახელმწიფოებში. სამწუხაროდ, საქართველოს ხელისუფლება ძალიან ცუდ, საშიშ და უთავმოყვარეო თამაშში ჩაერთო და ადამიანებს, რომელთაც დევნიან საკუთარი სიტყვის გამო არა თუ იცავს, არამედ ავტორიტართა სამსჯავროებს გადასცემს", - წერს მშვენიერაძე.

ცნობისთვის, თბილისში აზერბაიჯანელი ჟურნალისტი აფგან მუხთარლი გაუჩინარდა. როგორც მისი მეუღლე, ლეილა მუსტაფაიევა და მისი მეგობარი დაშგინ აღალარლი აცხადებენ, ბოლო პერიოდში, აფგან მუხთარლის უცნობი პირები, სავარაუდოდ აზერბაიჯანელები, უთვალთვალებდნენ.

რაც შეეხება, დემირელის კოლეჯის თანამშრომელს მუსტა ემრე ჩაბუქს, ის თბილისში, 24 მაისს დააკავეს. სასამართლო პროცესზე პროკურორმა განაცხადა, რომ ჩაბუქს შეიარაღებული ტერორისტული ორგანიზაციის წევრობა ედება ბრალად და მისი დაპატიმრება მოითხოვა. მოსამართლემ ბრალდების მხარის შუამდგომლობა დააკმაყოფილა და მუსტაფა ემრე ჩაბუქს სამთვიანი წინასაექსტრადიციო პატიმრობა შეეფარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა