2017-05-30 19:01:43, 2573 ნახვა
სამართალი
ოდესაში ქართველი ე.წ. კანონიერი ქურდი ლევან მირცხულავა დააკავეს
ოდესაში ქართველი ე.წ. კანონიერი ქურდი ლევან მირცხულავა, დააკავეს, - ამის შესახებ Primecrime იუწყება.
მედია საშუალების ინფორმაციით, მისი ქვეყნიდან გაძევების პროცესი მიმდინარეობს.
როგორც მედია წერს, 29 წლის მამაკაცი, რომელიც ქალაქში არალეგალურად იმყოფებოდა, ოდესაში ეთნიკური კრიმინალური ჯგუფების გაკონტროლების მიზნით ჩავიდა.
აღსანიშნავია, რომ მირცხულავა ოდესაში პირველად 3 წლის წინ დააკავეს. გავრცელებული ინფორმაციით, ლევან მირცხულავა თურქეთში „კანონიერ ქურდად“ 2013 წელს „აკურთხეს“.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
