თავდაცვის ინსტიტუციური აღმშენებლობის (DIB) სკოლაში უსაფრთხოების სექტორის საორიენტაციო კურსის მეექვსე მოდული დაიწყო, რომელიც გენდერის თემას ეხება. 

უწყების პრესსამსახურის ინფორმაციით, კურსი მოდულის ხელმძღვანელმა, თავდაცვის სამინისტროს ადამიანური რესურსების მართვისა და პროფესიული განვითარების დეპარტამენტის უფროსის მოადგილემ, მაკა პეტრიაშვილმა გახსნა. 

მათივე ინფორმაციით, მან მონაწილეებს გენდერის ძირითადი ცნებები და ტერმინები გააცნო, თავდაცვის უწყებასა და ზოგადად, უსაფრთხოების სექტორში გენდერული თანასწორობის მნიშვნელობასა და გენდერულ პერსპექტივებზე ისაუბრა.

 მაკა პეტრიაშვილმა კურსის მონაწილეებს საქართველოს შეიარაღებულ ძალებში გენდერული თანასწორობის მისაღწევად განხორციელებული ღონისძიებების შესახებ ინფორმაცია მიაწოდა საერთაშორისო სამშვიდობო მისიებში გენდერის საკითხებში ცნობიერების ამაღლების მნიშვნელობა ხაზგასმით აღნიშნა.

 პირველი გრძელვადიანი სასწავლო პროგრამა, უსაფრთხოების სექტორის საორიენტაციო კურსი, რომელსაც DIB უსაფრთხოების სექტორის აუდიტორიას სთავაზობს, კიდევ რამდენიმე მოდულით გაგრძელდება.

მსმენელებს ეროვნულ, რეგიონულ და საერთაშორისო უსაფრთხოებასთან, ეფექტურ კომუნიკაციასთან, კიბერუსაფრთხოებასთან, კეთილსინდისიერების ამაღლებასა და კორუფციის რისკების შემცირებასთან დაკავშირებით, ლექციები და ტრენინგები უკვე ჩაუტარდათ.

(NS) 
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის იუსტიციის სამინისტრომ არაკომერციული ორგანიზაცია „ბათუმის რუსები“ არასასურველად გამოაცხადა

უხვმა ნალექმა დედაქალაქის ათივე რაიონში პრობლემები შექმნა - თბილსერვის ჯგუფი

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს