2015-04-14 16:05:58, 491 ნახვა
პოლიტიკა
საგანელიძე: ადეიშვილის ინტერპოლით ძებნილთა სიიდან ამოღების მიზეზები უნდა გაირკვეს
საპარლამენტო უმრავლესობის წევრის დავით საგანელიძის განცხადებით, ზურაბ ადეიშვილის ინტერპოლით ძებნილთა სიიდან ამოღების მიზეზები უნდა გაირკვეს.
მისივე თქმით, თუ ეს გაუგებარი დარჩება, მაშინ პროკურატურის სისუსტეზე შეიძლება საუბარი.
საგანელიძე მიიჩნევს, რომ ზურაბ ადეიშვილი ინტერპოლით ძებნილი უნდა იყოს.
„ნამდვილად ვერ ვიტყვი, რომ ეს ჩვენი პროკურატურის სისუსტეა. ჩვენი პროკურატურის დამსახურებაა, რომ შეიქმნა ის საქმე, რომლის გამოც ის იყო ძებნილი და ვფიქრობ უნდა იყოს კიდეც. ხოლო თუ რა არის მიზეზი მისი სიიდან ამოღების, ამას სჭირდება გარკვევა. თუ ვერ ივაჟკაცეს და ვერ გაარკვევენ, მაშინ შეიძლება სისუსტეზეც ვილაპარაკოთ. ასეთი პიროვნება ძებნილი უნდა იყოს“,-განაცხადა დავით საგანელიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
