მიხეილ ჩინჩალაძე სააპელაციო სასამართლოს მოსამართლედ უვადოდ დაინიშნა

2017-05-11 12:18:15, 2500 ნახვა

საზოგადოება

სააპელაციო სისტემაში მიხეილ ჩინჩალაძე 11 ხმით უვადო მოსამართლედ დაინიშნა.

იუსტიციის უმაღლეს საბჭოში მოსამართლეთა ვაკანტურ ადგილებზე კანდიდატების კენჭისყრა მიმდინარეობს. იმისთვის, რომ სასურველი თანამდებობა დაიკავონ, მათ საბჭოს წევრების ნახევარზე მეტის მხარდაჭერა სჭირდებათ.

არსებული ინფორმაციით, 24-მა მოსამართლემ გასაუბრების პირველი ეტაპი ვერ გადალახა, მათ შორის არის მოქმედი პროკურორი მაია ჯვარშეიშვილი. კენჭი ეყრებათ მხოლოდ იმ კანდიდატებს, რომლებიც კეთილსინდისიერებისა და კომპეტენრურობის კრიტერიუმებს აკმაყოფილებენ.

შეგახსენებთ, რომ სულ 108 კანდიდატი დარეგისტრირდა. აქედან 101 კანდიდატი გამოცხადდა გასაუბრების პირველ ეტაპზე, საიდანაც 79 კანდიდატი შეირჩა, თუმცა 79-დან ორმა საკუთარი კანდიდატურა მოხსნა. მოსამართლეთა დიდი ნაწილი მეორე ეტაპის გადალახვის შემთხვევაში სამწლიანი გამოსაცდელი ვადით დაინიშნება, გარდა საკონსტიტუციო და უზენაესი სასამართლოს მოსამართლეებისა, რომლებიც უვადოდ გამწესდებიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან