საქართველოს ოკუპირებული რეგიონების აღიარების გამო, ნაურუ ამერიკის შეერთებული შტატებისგან ფინანსურ დახმარებას ვეღარ მიიღებს, - ამის შესახებ RNZ იუწყება.

მედია საშუალების ინფორმაციით, აშშ-ის პრეზიდენტის დონალდ ტრამპის მიერ ხელმოწერილი აქტის თანახმად, აფხაზეთი და ე.წ. სამხრეთ ოსეთი საქართველოს ტერიტორიებია, რომელიც რუსეთის ფედერაციის მიერაა ოკუპირბეული. 

ნაური ოკუპირებულ აფხაზეთსა და ე.წ. სამხრეთ ოსეთს დამოუკიდებელ სახელმწიფოებად აღიარებს. 

შეგახსენებთ, რომ ​2017 წლის აშშ-ის ბიუჯეტის კანონში (2017 წლის აშშ-ის კონსოლიდირებული ასიგნებების აქტი - Consolidated Appropriations Act, 2017) საქართველოს ტერიტორიების ოკუპაციის შესახებ ჩანაწერი პირველად გაკეთდა. 2017 წლის ბიუჯეტის კანონი აშშ-ის კონგრესმა 5 მაისს დაამტკიცა, ხოლო დოკუმენტი ძალაში, აშშ-ის პრეზიდენტის ხელმოწერის შედეგად, 6 მაისს შევიდა. ტრამპის მიერ ხელმოწერილი აქტის თანახმად, მხარდაჭერა უწყდება ქვეყნებს, რომლებიც ორ ოკუპირებულ რეგიონს აღიარებს და ასევე, მასში საუბარია, რომ საერთაშორისო საფინანსო ინსტიტუტებში ამერიკის წარმომადგენლებს ეკრძალებათ იმ პროგრამების მხარდაჭერა, რომელიც საქართველოს ტერიტორიული მთლიანობას არღვევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის