რიჩარდ ნორლანდი: მნიშვნელოვანია გვახსოვდეს, 9 აპრილს მსხვერპლი ტყუილად არ იყო გაღებული

2015-04-09 12:33:47, 430 ნახვა

პოლიტიკა

აშშ–ს ელჩმა საქართველოში რიჩარდ ნორლანდმა 9 აპრილს დაღუპულთა ხსოვნას პატივი მიაგო.

ნორლანდის განცხადებით, აშშ ყველა იმ ქართველს უერთდება, რომლებიც დღეს პატივს მიაგებენ იმ მშვიდობიანი დემონსტრანტების ხსოვნას, რომლებმაც საქართველოს დამოუკიდებლობისათვის თავი გასწირეს.

„9 აპრილი ძალიან ტრაგიკული დღეა. იმ პერიოდში მე მოსკოვში ამერიკის საელჩოში ვმუშაობდი. ვიყავი დიპლომატი და კარგად მახსოვს, ეს სამწუხარო დღე. მნიშვნელოვანია გვახსოვდეს, რომ მათი მსხვერპლი ტყუილად არ იყო გაღებული, ისინი შეეწირნენ დამოუკიდებელი საქართველოს იდეას და დღეს, ჩვენ ვხედავთ, რომ საქართველო დამოუკიდებელი ქვეყანაა, რომელიც მტკიცე და წარმატებულია. დღევანდელი დღე ყველა ადამიანს აერთიანებს და კიდევ ერთი შეხსენებაა ჩვენთვის, იმ მნიშვნელობისა, რომელიც ენიჭება ერთიანობას, საქართველოს დამოუკიდებლობისა და სუვერენიტეტის იდეის ქვეშ“, – აღნიშნა ნორლანდმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან