თავდაცვის სამინისტროს სახელმწიფო სამხედრო სამეცნიერო-ტექნიკური ცენტრის "დელტას" გენერალური დირექტორი უჩა ძოძუაშვილი თანამდებობაზე აღადგინეს.

ინფორმაცია „ექსპრესნიუსს“ თავდაცვის სამინისტროში დაუდასტურეს.

ძოძუაშვილის  „დელტას“ გენერალური დირექტორის პოზიციაზე აღდგენის საფუძველი საქალაქო სასამართლოს გადაწყვეტილება გახდა. მან  უჩა ძოძუაშვილის სარჩელი დააკმაყოფილა, რომლითაც თავდაცვის მინისტრის 18.05.2016 წლის #1666 ბრძანების ბათილად ცნობას და სსიპ სახელმწიფო სამხედრო სამეცნიერო-ტექნიკური ცენტრის „დელტას“ გენერალური დირექტორის  დროებითი მოვალეობის შემსრულებლის პოზიციაზე აღდგენას ითხოვდა.

„თავდაცვის სამინისტრომ, უწყებამ, რომელიც პატივს სცემს საქალაქო სასამართლოს გადაწყვეტილებას, მიიღო გადაწყვეტილება, გააბათილოს 2016 წლის მაისში მინისტრის მიერ მიღებული გადაწყვეტილება  და  ბრძანება და აღადგინოს უჩა ძოძუაშვილი იმ თანამდებობაზე, რომელ თანამდებობაზეც ის მუშაობდა  2016 წლის მაისამდე“,-განუცხადეს „ექსპრესნიუსს“ თავდაცვის სამინისტროში.

შეგახსენებთ, სახელმწიფო სამხედრო სამეცნიერო-ტექნიკურ ცენტრ "დელტას" გენერალური დირექტორი უჩა ძოძუაშვილი თანამდებობიდან თინა ხიდაშელმა გაათავისუფლა.

გათავისუფლების მიზეზად სამინისტრომ  კახეთში მოსული სეტყვის საწინააღმდეგო საშუალებების გამოყენებასთან დაკავშირებული პრობლემები დაასახელა.

თავდაცვის მინისტრის გადაწყვეტილებით, თავდაცვის სამინისტროს გენერალურ ინსპექციას კახეთის რეგიონში სეტყვის საწინააღმდეგო საშუალებების გამოყენებასთან დაკავშირებით არსებული მდგომარეობის მაქსიმალურად შემჭიდროებულ ვადებში შესწავლა დაევალა.

როგორც ცნობილია, კახეთის მოსახლეობა ხელისუფლებას უმოქმედობაში ადანაშაულებდა და აცხადებდა, რომ ”დელტამ” სეტყვის საწინააღმდეგო დანადგარები დროულად არ გამოიყენა. კახეთის რეგიონში სეტყვამ რამდენიმე სოფელი დააზარალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს