სანქტ-პეტერბურგში, ნევის რაიონში საცხოვრებელ სახლში ასაფეთქებელი მოწყობილობა იპოვეს, - ამის შესახებ Tass იუწყება.

მედია საშუალების ინფორმაციით, ასაფეთქებელი მოწყობილობის დეაქტივაცია სამართალდამცველებმა მოახდინეს. მანამდე, ნევის რაიონში საცხოვრებელი სახლიდან მაცხოვრებლების ევაკუაციაც მოხდა.

როგორც მედია წერს, მოწყობილობის აღმოჩენის შემდეგ, რამდენიმე ადამიანი დააკავეს.

რაიონის ადმინისტრაციის ხელმძღვანელის კონსტანტინე სეროვის თქმით, ამ დროისთვის ასაფეთქებელი მოწყობილობა, რომელიც ერთ-ერთ ბინაში იპოვეს, გააუვნებელყვეს.

"რამდენიმე ეჭვმიტანილი აღნიშნულ საქმეზე დაკავებულია. ადგილობრივ მაცხოვრებლებს საფრთხე არ ემუქრებათ“,- განაცხადა სეროვმა.

ამასთან, მისივე განმარტებით, საცხოვრებელი სახლიდან ევაკუირებული მოსახლეობა იქვე მდებარე საბავშვო ბაღის შენობაში გადაიყვანეს, მათთან სამედიცინო დახმარების ექიმები და ფსიქოლოგები იმყოფებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის

რუსეთში იმპორტირებული ინდური ბენზინი რუსულ ბენზინზე ორჯერ ძვირი აღმოჩნდა

დეზინფორმაციული კამპანიით ცდილობენ ეჭვქვეშ დადგეს გელათის გადახურვის საკითხი – კომიტეტი

კობა ფარტენაძის თქმით, მას ბათუმში თავს კიდევ ერთხელ დაესხნენ