„ხალხის პარტიის“ თავმჯდომარე ალექსანდრე კობაიძე შს მინისტრის ყოფილ მოადგილეზე გელა ხვედელიძეზე თავდასხმის ფაქტს გამოეხმაურა.

კობაიძის განცხადებით, ორ სახელმწიფო ინსტიტუტს შორის დაპირისპირებაა, რის გამოც ქვეყანაში კრიმინალთან ბრძოლა სათანადოდ ვერ ხერხდება.

"გაზრდილი კრიმინალი ცხადჰყოფს, რომ პოლიციელებს უნდა მიეცეთ მეტი შესაძლებლობა და მეტი თავისუფლება, რათა იმოქმედონ თამამად. დღეს კი ორ სახელმწიფო ინსტიტუტს შორის დაპირისპირებაა. ვგულისხმობ პროკურატურას და შს სამინისტროს, ამიტომ ვერ ხდება კოორდინირებული ქმედებები და კრიმინალთან სათანადო ბრძოლა.

ხვედელიძეზე თავდასხმაც იმ ჯგუფებიდან მოდის, რომელიც მას დაუპირისპირდა ხელისუფლებაში ყოფნის დროს. არა მგონია, ხვედელიძის თავდასხმის რეალური შემსრულებელი გამოძიებამ გამოავლინოს, რაც არის საგანგაშო. ფაქტიურად, უკონტროლო ხდება კრიმინალური სიტუაციის გაკონტროლება ქვეყანაში და ეს, ძალიან ცუდ შედეგებს მოგვიტანს“, - აღნიშნავს „ხალხის პარტიის“ თავმჯდომარე ალექსანდრე კობაიძე.

ცნობისთვის, ხვედელიძის გუშინ  საკუთარ სახლთან ორი ნიღბიანი პირი დაესხა თავს.

გამოძიება სხეულის განზრახ მძიმე დაზიანების მუხლით მიმდინარეობს

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება