30 მარტს 4 საათზე საგარეო საქმეთა სამინისტროში გაიხსნება ფოტო ექსპოზიცია "საქართველოს ევროპული ისტორიის ფურცლები", რომელიც ხელნაწერთა ეროვნულ ცენტრთან თანამშრომლობით მომზადდა და წარმოადგენს, საქართველოსა და ევროპის ისტორიული, პოლიტიკური, კულტურული და სამხედრო თანამშრომლობის, ასევე, მრავალსაუკუნოვანი მეგობრული ურთიერთობების ამსახველ ისტორიულ-დოკუმენტურ მასალას.

ექსპოზიციაზე წარმოდგენილი წერილობითი მემკვიდრეობა, საზოგადო მოღვაწეთა პირადი საარქივო მასალები, ქართული და ლათინური ხელნაწერი კოლექციები, ილუსტრაციები, უძველესი რარიტეტების ფრაგმენტები და პირველი ქართული ნაბეჭდი წიგნები, ქართული სახელმწიფოსა და ქართველი ხალხის ევროპასთან ურთიერთობის, დასავლური ფასეულობებისაკენ სწრაფვის უტყუარი დასტურია.

ექსპოზიცია წარმოაჩენს, რომ საქართველო ევროპული ცივილიზაციის, მისი ისტორიული, გეოგრაფიული და კულტურული სივრცის განუყოფელი ნაწილია. ჩვენი ქვეყნის უახლესი მნიშვნელოვანი მიღწევა - ევროკავშირის წევრ ქვეყნებთან უვიზო მიმოსვლის ამოქმედება, განსაკუთრებულ წვლილს შეიტანს ევროპასთან შემდგომ დაახლოებასა და საზოგადოებებს შორის კავშირების განმტკიცებაში.

გამოფენა თბილისში გაიხსნება, მოივლის საქართველოს რეგიონებს და ჩვენი ქვეყნის დიპლომატიური წარმომადგენლობების მეშვეობით გამოიფინება მსოფლიოს მრავალი ქვეყნის დედაქალაქში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ