საქართველოს საგარეო საქმეთა მინისტრმა მიხეილ ჯანელიძემ უვიზო რეჟიმის ამოქმედებასთან დაკავშირებით ბრიუსელში ვიზიტი და საქართველოს დელეგაციის მიმდინარე შეხვედრები შეაფასა.  

როგორც ჯანელიძემ აღნიშნა,  საქართველომ მიიღო მნიშვნელოვანი მხარდაჭერა იმისათვის რომ ინტეგრაციული პროცესები გაღრმავდეს.

„ყველა ადამიანი, რომელიც მუშაობს პარლამენტის მხრიდან ევროსტრუქტურებში, ისინი, რომლებიც მუშაობენ საქართველოს ინტეგრაციის პროცესზე, საქართველოსთან ურთიერთობებზე, ყველა ერთხმად აღნიშნავდა, რომ საქართველოს აქვს განსაკუთრებული პროგრესი. იგი ახორციელებს ძალიან მნიშვნელოვან რეფორმებს , რეალურად უახლოვდება ევროკავშირს თავისი სტანდარტებით, ინსტიტუციებით, კანონმდებლობით და რაც მთავარია წარმოადგენს ევროპის ძალიან მნიშვნელოვან ნაწილს", - აცხადებს მიხეილ ჯანელიძემ.

მან კიდევ ერთხელ ისაუბრა უვიზო მიმოსვლის მნიშვნელობაზე, რომელიც ახალ შესაძლებლობებს უხსნის საქართველოს მოქალაქეებს, ბიზნეს წრეებისა და კულტურის სფეროს წარმომადგენლებს, რათა მათ გააღრმავონ თანამშრომლობა ევროპელ პარტნიორებთან.

2017 წლის 28 მარტს საქართველოს პრემიერ-მინისტრი გიორგი კვირიკაშვილი, მთავრობის  წევრებთან ერთად, ვიზიტით ბრიუსელს ეწვია, სადაც შეხვედრები გამართა ევროკომისიის პრეზიდენტ ჟან-კლოდ იუნკერთან და ევროპული საბჭოს პრეზიდენტთან დონალდ ტუსკთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს