ფინანსთა მინისტრის მოადგილე ნიკოლოზ გაგუა საფრანგეთის განვითარების სააგენტოს (AFD) დელეგაციას შეხვდა, რომელსაც აზიის დეპარტამენტის დირექტორი პასკალ პაკო ხელმძღვანელობდა.

ფინანსთა სამინისტროს ინფორმაციით, შეხვედრაზე მხარეებმა საქართველოში AFD-ს საქმიანობა და სამომავლო პერსპექტივები განიხილეს.

აღინიშნა, რომ საფრანგეთის საფრანგეთის განვითარების სააგენტო (AFD) საქართველოში სამომავლო საქმიანობის გააქტიურებას აპირებს.

შეხვედრაზე ყურადღება გამახვილდა აღნიშნული ორგანიზაციის მხრიდან სამთავრობო სტრუქტურული რეფორმების მხარდაჭერის მიმართულებებზე.

საფრანგეთის განვითარების სააგენტო შედის „AFD ჯგუფში“, რომელიც ახორციელებს საფრანგეთის სახელმწიფოს ოფიციალურ მხარდაჭერას დაახლოებით 90 ქვეყანაში და გააჩნია დაახლოებით 70 ადგილობრივი წარმომადგენლობითი ოფისი და ბიურო.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ დაზარალებულზე განხორციელებული ზემოქმედების ფაქტზე ადვოკატი დააკავა

პოლონეთი ქვეყანაში შესვლის გამკაცრებას გეგმავს, მათ შორის საქართველოს მოქალაქეებისთვის

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი