თურქეთში რუსეთის ელჩის მკვლელობის საქმეზე, ანკარაში 33 წლის რუსეთის მოქალაქე ქალი დააკავეს, - ამის შესახებ თურქული გამოცემა  Hürriyet იუწყება.

მედია საშუალების ინფორმაციით, დაკავებული ქალი, სახელად  ეკატერინა ელჩის მკვლელთან კავშირშია ეჭვმიტანილი.

გამოძიების ცნობით, ის გასული წლის ნოემბრის ბოლომდე ელჩის მკვლელს ტელეფონით უკავშირდებოდა. ამასთან, მათ შორის WhatsApp–ზე განხორციელებული მიმოწერაა ამოღებული.

Hürriyet-ის ინფორმაციით, რუსეთის მოქალაქე ქალი პროსტიტუციით იყო დაკავებული და ანკარაში ხუთვარსკვლავიან სასტუმროებში მუშაობდა. 

რუსეთის საელჩომ 33 წლის ქალის დაკავებაზე ინფორმაციის მიღების მიზნით თურქეთის ხელისუფლებას შესაბამისი შეტყობინება უკვე გაუგზავნა.

„საელჩო გაეცნო მედიაში გავრცელებული ინფორმაციას რუსეთის მოქალაქის დაკავებასთან დაკავშირებით. როგორც ცნობილია, თურქეთმა და რუსეთმა ელჩის მკვლელობის შემდეგ საქმეზე ერთობლივი გამოძიება დაიწყო. საელჩომ გაუგზავნა მოთხოვნა თურქეთის ხელისუფლებას, მიაწოდოს ინფორმაცია დაკავების მიზეზებზე, თარიღსა და გარემოებებზე“, - განაცხადა საელჩოს პრესმდივანმა.

შეგახსენებთ, რომ თურქეთში რუსეთის ელჩი ანდრეი კარლოვი ანკარაში, 19 დეკემბერს თანამედროვე ხელოვნების ცენტრში სიტყვით გამოსვლის დროს მოკლეს. ელჩის მკვლელი, 22 წლის ყოფილი პოლიციელი მევლუთ მერტ ალტინტაში სამართალდამცველებმა ადგილზევე მოკლეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობა ფარტენაძის თქმით, მას ბათუმში თავს კიდევ ერთხელ დაესხნენ

შსს - დავაკავეთ 3 პირი, რომლებიც ცივი იარაღის მუქარით, ორ მოქალაქეს სხვადასხვა ბანკიდან ონლაინ სესხის აღებას აიძულებდნენ

ავტომობილის ქურდობის ბრალდებით, 2 პირი, მათ შორის, ერთი არასრულწლოვანი დააკავეს

მოსკოვის რეგიონში Wildberries-ის უდიდეს საწყობს დრონით თავდასხმის შემდეგ ცეცხლი გაუჩნდა