საქართველოს უზენაესმა სასამართლომ ქვეყანაში ყველაზე დიდი დამოუკიდებელი ტელევიზიის, "რუსთავი 2"-ის საკუთრების თაობაზე გადაწყვეტილება მიიღო, - ამის შესახებ სააგენტო Reuters იუწყება.

როგორც მედია საშუალება წერს, ასობით მხარდამჭერი, ოპოზიციური პარტიები და მოსახლეობა უზენაეს სასამართლოსთან იყო შეკრებილი, ხოლო გადაწვეტილების გამოქვეყნების შემდეგ, მათ ტელეკომპანიის შენობასთან გადაინაცვლეს.

სააგენტო ექსპერტებზე დაყრდნობით წერს, რომ უზენაესის გადაწყვეტილება თავისუფალი მედიის ჩახშობას ემსახურება.

კრიტიკოსების თქმით, ბიზნესმენი ქიბარ ხალვაში, რომელიც ტელეკომპანიას ედავებოდა,  საქართველოში ერთადერთ ოპოზიციურ, ძლიერ მედიას "გააჩუმებს".

ამასთან, როგორც ქიბარ ხალვაში აცხადებს, მას ტელეკომპანიის წილის დათმობა წინა ხელისუფლების პირობებში მოუწია, როდესაც ქვეყანას ყოფილი პრეზიდენტი მიხეილ სააკაშვილი მართავდა, ხოლო ხელისუფლების შეცვლის შემდეგ, მან საკუთრების დაბრუნება გადაწყვიტა.

ოპოზიციური პარტიები ასევე თავისუფალი მედიის ჩახშობაზე საუბრობენ. გარდა ამისა, უცხოელი დიპლომატები სასამართლოს გადაწყვეტილებასთან დაკავშირებით შეშფოთებას გამოთქვამენ.

მედიის ინფორმაციით, ხელისუფლება გადაწყვეტილების მიღებაში ჩართულობას უარყოფს.

ტელეკომპანიის დირექტორი, ნიკა გვარამია გადაწყვეტილებას არალეგალურს და პოლიტიკურად მოტივირებულს უწოდებს. ის სტრასბურგის სასამართლოში აპირებს გადაწყვეტილების გასაჩივრებას.

მედია საშუალების ცნობით, ტელეკომპანიის სასამართლო დავა 2015 წლის აგვისტოდან მიმდინარეობდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება