2017-02-16 17:30:47, 1941 ნახვა
პოლიტიკა საზოგადოება
კარასინი: რუსეთ-საქართველოს დიპლომატიური ურთიერთობების აღდგენა მხოლოდ თბილისზეა დამოკიდებული
რუსეთის საგარეო საქმეთა მინისტრის მოადგილის გრიგორი კარასინის განცხადებით, რუსეთ-საქართველოს დიპლომატიური ურთიერთობების აღდგენა შესაძლებელია, თუმცა პირველი ნაბიჯი თბილისმა უნდა გადადგას.
როგორც კარასინმა აღნიშნა, ურთიერთობები მოსკოვს არ გაუწყვეტია.
„დიპლომატიური ურთიერთობების აღდგენა მხოლოდ თბილისზეა დამოკიდებული. ჩვენ არ გაგვიწყვეტია ეს ურთიერთობები. ვიმედოვნებთ, რომ ეს ურთიერთობები აღდგება", - განაცხადა კარასინმა.
მისივე თქმით, ურთიერთობების გასაუმჯობესებლად ისინი საქართველოსთან თანამშრომლობენ.
"ჩვენ, ზურაბ აბაშიძესთან ერთად, განვიხილავთ და ვწყვეტთ საკითხებს, რომლის გადაწყვეტა დიპლომატიური ურთიერთობების არქონის შემთხვევაში შესაძლებელია“, - აღნიშნა გრიგორი კარასინმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
