საპარლამენტო უმრავლესობის ლიდერის არჩილ თალაკვაძის შეფასებით, პროკურატურის განცხადება არ იძლევა  იმის თქმის საფუძველს, რომ პირი, რომლის მკვლელობის მცდელობაზეცაა საუბარი, პატრიარქია.

„არ გვაძლევს ჯერჯერობით ამის საფუძველს, მაგრამ გვაძლევს იმის თქმის შესაძლებლობას, რომ როდესაც გამოვლინდა ასეთი დანაშაული და აღიკვეთა ავტომატურ რეჟიმში უსაფრთხოების ზომები პატრიარქის დასაცავად იქნა გაძლიერებული და ძალიან კარგია, რომ სახელმწიფო დაცვის სამსახურის ხელმძღვანელი სწრაფად ჩაფრინდა ბერლინში და იმყოფება ადგილზე",-განაცხადა თალაკვაძემ.

მისივე თქმით, ყველაზე მნიშვნელოვანია, რომ ქირურგიულმა ჩარევამ წარმატებით ჩაიარა და პატრიარქის ჯანმრთელობის მდგომარეობა დამაკმაყოფილებელია.

რაც შეეხება პროკურატურის მიერ გასაჯაროებულ ინფორმაციას, თალაკვაძის განმარტებით,  პირველ რიგში მისთვის  მნიშვნელოვანია, რომ სამართალდამცავმა სტრუქტურებმა ძალიან ეფექტურად იმუშავეს და აღკვეთეს ის დანაშაული, რომელიც შესაძლოა მომხდარიყო.

"აქ არის მნიშვნელოვანი, რომ სახელმწიფო ძალიან ყურადღებით და ძალიან სწრაფად ახდენს რეაგირებას ამ ყველაფერზე. რაც შეეხება გამოძიებას, დარწმუნებული ვარ, გამოძიება გასცემს პასუხებს ყველა შეკითხვას, რომელიც ამ ეტაპზე აქვს საზოგადოებას, და გაირკვევა კიდევ უფრო მეტი ამ საქმესთან დაკავშირებით",-აღნიშნა თალაკვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს