2017-02-10 13:01:19, 1350 ნახვა
საზოგადოება
საპატრიარქო ილია მეორის ჯანმრთელობის მდგომარეობის შესახებ ინფორმაციას ავრცელებს
საქართველოს საპატრიარქო ილია მეორის ჯანმრთელობის მდგომარეობის შესახებ განცხადებას ავრცელებს.
"გერმანიიდან მოწოდებული ინფორმაციის თანახმად, გუშინ, 8 თებერვალს, საქართველოს კათოლიკოს-პატრიარქის კლინიკო-ლაბორატორიული და ინსტრუმენტული გამოკვლევები დასრულდა. მიღებული მონაცემების საფუძველზე ნაღვლის ბუშტის ქირურგიული მეთოდით მკურნალობის აუცილებლობა დადასტურდა. ამჟამად ოპერაციისთვის მოსამზადებელი ეტაპი გრძელდება. ოპერაცია ორშაბათს, 13 თებერვალსაა დაგეგმილი. მისი უწმინდესობა თავს კარგად გრძნობს", - ნათქვამია საპატრიარქოს განცხადებაში.
შეგახსენებთ, რომ ილია მეორე გერმანიაში სამკურნალოდ 2 თებერვალს გაემგზავრა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
