საზოგადოებრივი მაუწყებლის სამეურვეო საბჭოს წევრის, სულხან სალაძის განცხადებიტ, ბორდის წევრების და გენერალური დირექტორის, ვასილ მაღლაფერიძის შეხვედრაზე ახალი დოკუმენტი არ წარმოდგენილა.

როგორც სალაძემ აღნიშნა, პროცესი უნდა იყოს მაქსიმალურად ღია და ყველას უნდა ჰქონდეს საკუთარი პოზიციის დაფიქსირების საშუალება.

"როდესაც შეხვედრიდან გამოვდიოდი, საუბარი არ იყო გადასული პრობლემების მოგვარების ხედვის ნაწილზე. ყველაზე მეტად ყურადღება გამახვილდა რეიტინგზე. დავაფიქსირე ჩემი პოზიცია, რომ რეიტინგი არ არის გადამწყვეტი და აუცილებელი ელემენტი. ცხადია, მნიშვნელოვანია, მაგრამ არა - ერთადერთი კრიტერიუმი. არავინ დავობს, რომ შენობა ავარიულია, რომ ტექნიკური ბაზა საჭიროებს განახლებას, შესაძლებელია ოპტიმიზაციაც საჭიროა. მნიშვნელოვანია, რა არის გამოსავალი. კონსტრუქციული და ალტერნატიული წინადადებებია საჭირო, მენეჯმენტის მხრიდანაც. პროცესი უნდა იყოს მაქსიმალურად ღია და ყველას უნდა ჰქონდეს საკუთარი პოზიციის დაფიქსირების საშუალება. მთავრობა პრობლემის გადაჭრის გზას თუ ეთანხმება, მიუღებელია. ვგულისხმობ მასობრივად თანამშრომლების დათხოვნას, გადაცემების დახურვას", - ამბობს სალაძე.

ცნობისთვის, საზოგადოებრივი მაუწყებლის ბორდის წევრების და გენერალური დირექტორის შეხვედრა გრძელდება.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს