შაჰინის სახელობის სკოლა-ლიცეუმის დირექტორის, ელგუჯა დავითაძის განცხადებით, განათლების ხარისხის განვითარების ეროვნული ცენტრის მიერ ჩატარებული ბოლო მონიტორინგის ბათილობასთან დაკავშირებით, სასამართლოში სარჩელი უკვე შეტანილია.

როგორც დავითაძემ „ექსპრესნიუსს“ განუცხადა, გამოქვეყნების შემდეგ გასაჩივრდება  ცენტრის დასკვნაც, რომლის საფუძველზეც სკოლას ავტორიზაცია შეუჩერდა.

კითხვაზე, უკავშირებს თუ არა ავტორიზაციის შეჩერებას ფეთჰულა გიულენსა და თურქეთის ხელისუფლებას შორის დაპირისპირებას,  დავითაძე აცხადებს, რომ ამის შესახებ კონკრეტული ინფორმაცია არ აქვს.

 „კონკრეტულად იმის დეტალური ინფორმაცია, რომ ფეთჰულა გიულენთან კავშირის გამო ხდება ჩვენი სკოლის ავტორიზაციის შეჩერება, არ მაქვს. მაგრამ 18 იანვარს, თურქეთში ერთ-ერთმა გავლენიანმა მედია საშუალებამ დაწერა სტატია, რომ საქართველოში უნდა დახურულიყო ეს სკოლები. მხოლოდ ამ გადმოსახედიდან შეგვიძლია შევხედოთ, რადგან სხვა მტკიცებულები, რომ ასეთ ფაქტს შეიძლება ჰქონდეს ადგილი, არ არსებობს.  ამ სტატიაში იწერებოდა, რომ საქართველოს მხარემ პირობა დადო, ეს სკოლები დაიხურებოდა და იქნებოდა შესაბამისი რეაგირება“, - აღნიშნა დავითაძემ.

მისივე თქმით, ორშაბათიდან სასწავლო პროცესი ჩვეულ რეჟიმში გაგრძელდება, ავტორიზაციის საკითხის მოგვარება კი, სამართლებრივი გზით გაგრძელდება.

„ლიცენზიის გაუქმებასთან დაკავშირებით, ჩვენ ამ ეტაპისთვის არავითარი დოკუმენტაცია არ ჩაგვბარებია. ორშაბათიდან ჩვეულ რეჟიმში ვაგრძელებთ სასწავლო პროცესს. რა თქმა უნდა მიტინგებს და მსგავს ქმედებებს არ მივმართავთ. იურიდიულ საფუძველზე გავაგრძელებთ, ჩვენი პირობების და უფლებების დაცვას“, - აღნიშნა სკოლის დირექტორმა.

ცნობისთვის, ბათუმში, ბაგრატიონის ქუჩაზე მდებარე შაჰინის სახელობის მეგობრობის სკოლა-ლიცეუმს ავტორიზაცია შეუჩერდა. აღნიშნულთან დაკავშირებით სკოლის დირექტორმა დღეს საქართველოს პრემიერ-მინისტრს, განათლების მინისტრს და სახალხო დამცველს ღია წერილით მიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს