ირმა ინაშვილი: დავიტოვებ იმედს, რომ მანანა კობახიძე მიუკერძოებელი იქნება

2017-01-23 18:15:07, 2430 ნახვა

სამართალი

"პატრიოტთა ალიანსის" წევრის ირმა ინაშვილის განცხადებით, ის საკონსტიტუციო სასამართლოს მოსამართლედ მანანა კობახიძის კანდიდატურას მხარს დაუჭერს.

ინაშვილი ამბობს, რომ მანანა კობახიძეს ამ შემთხვევაში აფასებს როგორც იურისტს და არა როგორც პარტიის წევრს.

"ადამიანები დავახარისხოთ პარტიული ნიშნით? თუ მე მაღალი კლასის ჟურნალისტი ვარ და სადღაც მთავაზობენ სამსახურს და ჩემი არჩევანია, რომ იქ წავიდე, რატომ უნდა ვთქვა უარი? დავიტოვებ იმედს, რომ მანანა კობახიძე იქნება მიუკერძოებელი", - განაცხადა ირმა ინაშვილმა.

ცნობისთვის, საპარლამენტო უმრავლესობის წევრის მამუკა მდინარაძის განცხადებით, ფრაქცია „ქართულმა ოცნებამ“ საკონსტიტუციო სასამართლოს მოსამართლის თანამდებობაზე მანანა კობახიძის კანდიდატურის წარდგენასთან დაკავშირებით გადაწყვეტილება მიიღო.