აჭარის ჯანდაცვის მინისტრმა მედიკოსები და ჯანდაცვის სფეროს წარმომადგენლები დააჯილდოვა

2017-01-12 17:52:44, 1618 ნახვა

რეგიონი

აჭარის ავტონომიური რესპუბლიკის ჯანმრთელობისა და სოციალური დაცვის მინისტრმა ზაალ მიქელაძემ რეგიონის მოსახლეობის სამედიცინო საქმეში შეტანილი წვლილისათვის 30 მედიკოსი და ჯანდაცვის სფეროს წარმომადგენელი დააჯილდოვა.

აჭარის ჯანდაცვის სამინისტროს ცნობით, ზაალ მიქელაძემ მათ მადლობის სიგელები გადასცა.

ღონისძიება აჭარის ჯანდაცვის სამინისტროში გაიმართა. დაჯილდოების ცერემონიალს მინისტრის მოადგილეები ესწრებოდნენ. დასაჯილდოებელ მედიკოსთა კანდიდატურები კლინიკების ხელმძღვანელების მიერ შეირჩნენ.

უწყება სამედიცინო სფეროს წარმომადგენელებს ყოველწლიურად აჯილდოებს. 2016 წელს სიგელი 23 ექიმს გადაეცა.

ფოტო რეპორტაჟი

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან