პრეზიდენტის სიძესთან ერთად დაჭრილია მისი მეგობარიც

2017-01-12 08:41:34, 938 ნახვა

საზოგადოება

თბილისში, ბალანჩივაძის ქუჩაზე, პრეზიდენტის სიძესთან ერთად მისი მეგობარიც დაჭრეს, - ამის შესახებ ინფორმაციას შს სამინისტროში ადასტურებენ.

უწყების ცნობით, გამოძიება სსსკ-ის 118-ე და 236-ე მუხლებით დაიწყო, რაც ჯანმრთელობის განზრახ ნაკლებად მძიმე დაზიანებასა და ცეცხლსასროლი იარაღის უკანონო შეძენა-შენახვა-ტარებას გულისხმობს.

არსებული ინფორმაციით, დაშავებულები რესპუბლიკურ საავადმყოფოში არიან მოთავსებული, თუმცა მათი ჯანმრთელობის მდგომარეობის შესახებ კომენტარს ექიმები არ აკეთებენ.

შეგახსენებთ, რომ საქართველოს პრეზიდენტის, გიორგი მარგველაშვილის სიძე, მინდია გოგოჭური გუშინ საღამოს ბალანჩივაძის ქუჩაზე დაჭრეს. მას, სავარაუდოდ, ცეცხლსასროლი იარაღიდან ერთი ტყვია აქვს მოხვედრილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან