დეპუტატ დავით ლორთქიფანიძის პიჯაკის საქმეზე დაკავებული ბრალდებულების მიმართ დღეს პროკურატურამ განრიდების გადაწყვეტილება მიიღო.

ცნობისთვის, ნიკა ნარსია, კახა გაბუნია და მირიან დეისაძე 2015 წლის 2 ოქტომბერს, ქუთაისის პარლამენტის შენობასთან, "რუსთავი 2"-ის მხარდამჭერ აქციაზე მომხდარი ინციდენტიდან მეორე დღეს დააკავეს.

მათგან მირიან დეისაძეს და კახა გაბუნიას ჯგუფური ხულიგნობა ედებოდათ ბრალად, ხოლო ნიკა ნარსიას ჯგუფური ხულიგნობა ცივი იარაღის გამოყენებით.

ამ საქმეზე მათ პატიმრობაში 3 თვე გაატარეს.

როგორც თავად აცხადებენ, ისინი ორი კვირის წინ პროკურატურაში დაიბარეს და აღიარებითი ჩვენების მიცემა შესთავაზეს, რაზეც სამივე მათგანისგან კატეგორიული უარი მიიღეს.

არსებული ინფორმაციით, დღეს საგამოძიებო ორგანომ მათ განუცხადა, რომ დავით ლორთქიფანიძეს მათ მიმართ პრეტენზია არ აქვს და პროკურატურა სასამართლოს მიმართავს საქმის გამოთხოვის თაობაზე.

როგორც ერთ-ერთი ბრალდებული ნიკა ნარსია აცხადებს, მათ მხოლოდ 500 ლარის ოდენობის ჯარიმის გადახდა მოუწევთ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს