შტატ ფლორიდაში მდებარე ერთ-ერთ აეროპორტში სროლა იყო, რის შედეგადაც 5 ადამიანი დაიღუპა, 9 კი მძიმედ დაშავდა, - ამის შესახენ ინფორმაციას ABC NEWS-ი ავრცელებს.

მედია საშუალების ცნობით, ”Fort Lauderdale-Hollywood”-ის აეროპორტში თავდამსხმელმა ცეცხლი საბაჟო ტერმინალთან გახსნა, რომელსაც უსაფრთხოების სამსახურები არ აკონტროლებდნენ.

როგორც მედია წერს, ადგილობრივმა სამართალდამცველებმა ერთი ეჭვმიტანილი უკვე დააკავეს. წინასწარი ინფორმაციით, თავდამსხმელს თანამზღახველები არ ჰყავდა. 

სააგენტო Tass-ის ინფორმაციით, ეჭვმიტანილი ალიასკის შტატიდან ერთ-ერთი რეისით ჩამოვიდა და იარაღი ხელჩანთაში ჰქონდა. 

მაიამის აეროპორტში ავიარეისების ნაწილი დროებით გადაიდო.

თავდასხმის მიზეზები უცნობია. გამოძიების ინფორმაციით, ასევე უცნობია იყო თუ არა მომხდარი ინციდენტი ტერორიზმის აქტი. 

ამასთან, სოციალურ ქსელ Twitter-ში, თვითმხილველმა ვიდეო ატვირთა, სადაც ერთ-ერთი დაღუპულის ცხედარი ჩანს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს