ლადო ბედუკაძის საინფორმაციო სააგენტომ მაუწყებლობის უფლება მიიღო

2016-12-26 16:47:02, 969 ნახვა

საზოგადოება

საქართველოს კომუნიკაციების ეროვნული კომისიის გადაწყვეტილებით, პარტია „ცენტრისტების“ დამფუძნებლის ვლადიმერ ბედუკაძის საინფორმაციო სააგენტომ შპს თბილისი 24“ კომისიის უწყვეტ რეესტრში მაუწყებლობაზე ავტორიზებულ პირად გატარდა.

კომუნიკაციების ეროვნული კომისიის ინფორმაციით, კომპანია კერძო საერთო ტელემაუწყებლობის დაწყებას მიმდინარე წლის 31 დეკემბერს გეგმავს.

„თბილისი 24“ დღე-ღამის განმავლობაში 6 საათი ქართულ ენაზე იმაუწყებლებს. კომპანია ინტერნეტ ტექნოლოგიის და მაუწყებლობის ტრანზიტზე ავტორიზებული პირების ქსელის საშუალებით გავრცელდება.

ცნობისთვის, საინფორმაციო სააგენტოს დირექტორი გოჩა ნაჭყებიაა.

როგორც ცნობილია, გოჩა ნაჭყებიასა და პარტია "ცენტრისტები ხაჩიშვილი - ბედუკაძის" ერთ-ერთ დამფუძნებელ ვლადიმერ ბედუკაძეს საქმიანი ურთიერთობა აკავშირებთ, ისინი ორგანიზაცია "საზოგადოებრივი მონიტორინგის ცენტრის" გამგეობის წევრები არიან.