პრემიერი: მწუხარებას გამოვთქვამ პაკისტანში მომხდარი ავიაკატასტროფის გამო

2016-12-07 22:04:02, 1368 ნახვა

საზოგადოება

საქართველოს პრემიერ-მინისტრი გიორგი კვირიკაშვილი პაკისტანში მომხდარი ავიაკატასტროფის გამო მწუხარებას გამოთქვამს.

"დიდ მწუხარებას გამოვთქვამ პაკისტანში მომხდარი ავიაკატასტროფის გამო, რომელსაც ათეულობით ადამიანის სიცოცხლე ემსხვერპლა. მთელი გულით თანავუგრძნობ დაღუპულთა ოჯახებს, პაკისტანელ ხალხსა და მთავრობას მომხდარის გამო. გამძლეობას ვუსურვებ მათ ამ მძიმე წუთებში", - ნათქვამია პრემიერ-მინისტრის სამძიმრის წერილში.

ცნობისთვის, პაკისტანის ავიაკომპანია Pakistan International Airlines-ის თვითმფრინავმა კატასტროფა განიცადა. გავრცელებული ინფორმაციით, თვთმფრინავი ქვეყნის ჩრდილოეთ ნაწილში, მთიან რაიონში ჩამოვარდა. ბორტზე 47 ადამიანი იმყოფებოდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან