დიმიტრი ქუმსიშვილი: მთავრობა უცხოელი ვიზიტორების მოსაზიდად აქტიურად მუშაობს

2016-11-26 17:20:19, 1711 ნახვა

ეკონომიკა

ფინანსთა მინისტრობის კანდიდატმა დიმიტრი ქუმსიშვილმა საქართველოს პარლამენტში გამოსვლისას ტურიზმისა და აღნიშნული სექტორიდან გენერირებად შემოსავალზე ისაუბრა.

როგორც ქუმსიშვილმა აღნიშნა, საქართველოსთვის ტურიზმი ტრადიციული სექტორია და მიმდინარე წელს, აღნიშნული დარგი ქვეყნის ეკონომიკაში 2 მილიარდ აშშ დოლარს დააგენერირებს.

დიმიტრი ქუმსიშვილის თქმით, მთავრობა აქტიურად მუშაობს უცხოელი ვიზიტორების მოსაზიდად და აღნიშნული ტენდენცია მომავალშიც გაგრძელდება. მან ყურადღება გაამახვილა საქართველოს მარკეტინგსა და პრომოციაზე, რომელთა დაფინანსებაც გაგრძელდება.

გარდა ამისა, ფინანსთა მინისტრობის კანდიდატმა ყურადღება გამახვილა ტურისტული ინფრასტრუქტურის განვითარებაზე, რომელიც ხორციელდება. ქუმსიშვილის თქმით, ტურისტული ინფრასტრუქტურის გარეშე მიზნები, რომლებიც გაწერილია ტურიზმის სტრატეგიაში, ვერ იქნება მიღწეული. მათ შორის, ტურისტების სამიზნე რაოდენობა და აღნიშნული სექტორიდან მოსალოდნელი შემოსავალი.

„ორივე მიმართულებით ძალიან აქტიურები ვიქნებით და ეს დადებითად აისახება ჩვენს ეროვნულ ვალუტაზე,“ - განაცხადა დიმიტრი ქუმსიშვილმა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან