სოფელ ზვარეში მუშების საპროტესტო აქცია გრძელდება

2016-11-05 12:38:59, 932 ნახვა

რეგიონი

ხარაგაულის მუნიციპალიტეტის სოფელ ზვარეში, რკინიგზის ლიანდაგის მშენებლობაზე დასაქმებული ქართველი მუშები მესამე დღეა საპროტესტო აქციას მართავენ.

აქციის მონაწილეები ქართველი მუშების ცემის ფაქტის დროულად გამოძიებას, დამნაშავეების დასჯას და ჩინური კომპანიის მენეჯმენტის შეცვლას ითხოვენ.

არსებული ინფორმაციით, დღეს გაფიცული მუშების მხარდასაჭერად სოფელ ზვარეში სტუდენტებიც ჩავლენ.

შეგახსენებთ, რომ რამდენიმე დღის წინ სოფელ ზვარეში ხარაგაულის რაიონის სოფელ ზვარეში რკინიგზის ლიანდაგის მშენებლობაზე დასაქმებული რამდენიმე ქართველი მუშა ჩინური კომპანიის „23-ე ბიუროს“ წარმომადგენლებმა სცემეს. ამასთან, ინციდენტის შედეგად რამდენიმე ჩინელიც არის დაშავებული. მომხდარზე გამოძიება სსკ-ის 118-ე მუხლით მიმდინარეობს, რაც ჯანმრთელობის განზრახ ნაკლებად მძიმე დაზიანებას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან