საქართველოს საგარეო საქმეთა მინისტრმა მიხეილ ჯანელიძემ გამოსამშვიდობებელი შეხვედრა გამართა ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) საპარლამენტო არჩევნებზე დაკვირვების მისიის ხელმძღვანელ, ალექსანდრე კელტჩევსკისთან.
 
უწყების ინფორმაციით, შეხვედრაზე ქართულმა მხარემ ხაზი გაუსვა OSCE/ODIHR-თან მჭიდრო თანამშრომლობას და აღნიშნული ინსტიტუტის რეკომენდაციების მნიშვნელობას ქვეყნის დემოკრატიული განვითარების პროცესში.
 
შეხვედრის ფარგლებში მხარეებმა ისაუბრეს საქართველოში გამართულ საპარლამენტო არჩევნებსა და საერთაშორისო დამკვირვებლების ჩართულობაზე.
 
საგარეო საქმეთა მინისტრმა მადლობა გადაუხადა ეუთო-ს წარმომადგენლებს არჩევნების ორივე ტურის მონიტორინგის პროცესში აქტიური მონაწილეობისა და საარჩევნო პროცესების დადებითი შეფასებისათვის.
 
აღსანიშნავია, რომ OSCE/ODIHR-ის სადამკვირვებლო მისია საქართველოში საგარეო საქმეთა სამინისტროს მოწვევით იმყოფებოდა.
 
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს