ცენტრალური საარჩევნო კომისიის ინფორმაციით, გუშინ მთაწმინდის მე-18 საარჩევნო უბანზე, დაახლოებით საღამოს 7:20 წუთზე, სამი პირი მივიდა.

ცესკო-ს სპიკერის ანა მიქელაძის განმარტებით,  მათ დაცვის პოლიციას თავი წარუდგინეს, როგორც საოლქო-საარჩევნო კომისიის წარმომადგენლები  და საარჩევნო უბანზე მაშინ შევიდნენ, როცა უბანი მასალებთან ერთად დაკეტილი იყო:

„მათ დაიწყეს საარჩევნო მასალების დათვალიერება, გადაღება, სხვადასხვა უჯრების გახსნა, სადაც ინახებოდა საარჩევნო დოკუმენტაცია. მათ შორის, ჩვენი ინფორმაციით, აღნიშნულმა პირებმა გადაიღეს ამომრჩეველთა სამაგიდო სიები, რომელიც შეიცავს ამომრჩევლის პერსონალურ მონაცემებს და პირად მონაცემებს. მოგვიანებით დადგინდა, რომ აღნიშნული პირები არ იყვნენ საოლქო-საარჩევნო კომისიის წარმომადგენლები. მათ ჰქონდათ დამკვირვებლისა და პარტიის წარმომადგენლობის სააკრედიტაციო ბეიჯები, დაცვის პოლიციამ მათ დაატოვებინა უბანი. ადგილზე მასალების გადასამოწმებლად მივიდნენ საოლქო-საარჩევნო კომისიისა და ცენტრალური საარჩევნო კომისიის წარმომადგენლები. ასევე მისული იყო უბნის თავჯდომარე. შეტყობინება შევიდა 112-ზე და გამოძახებული იყო შესაბამისად პოლიცია“,-განაცხადა ანა მიქელაძემ.

 აღნიშნულ ფაქტზე ამ ეტაპზე მიმდინარეობს გამოძიება.

რაც შეეხება თავად დამკვირვებლებს და პარტიის წარმომადგენლებს, გამოძიების ინტერესებიდან გამომდინარე,  ცესკო მათ ვინაობას არ ასაჯაროვებს. მთაწმინდის მე-18 უბანზე  არჩევნები ჩვეულ რეჟიმში, შეუფერხებლად მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს