2016-10-30 08:40:30, 704 ნახვა
პოლიტიკა
არჩევნების მეორე ტურები აჭარის ექვსივე მაჟორიტარულ ოლქში იმართება
აჭარის ექვსივე მაჟორიტარულ ოლქში უმაღლესი საბჭოს არჩევნების მეორე ტური, ხუთ ოლქში კი, საქართველოს პარლამენტის არჩევნები ტარდება.
კერძოდ, ქობულეთის, ხელვაჩაურისა და ბათუმის ოლქებში უბანზე მისული ამომრჩეველი უმაღლესი საბჭოსა და პარლამენტის მაჟორიტარებს აირჩევს. რაც შეეხება ხულოს მაჟორიტარულ ოლქს, რომელიც ხულოს, ქედასა და შუახევს მოიცავს, ამომრჩეველს მაჟორიტარის არჩევა მხოლოდ უმაღლეს საბჭოში შეეძლება, რადგან ამ ოლქში პარლამენტის მაჟორიტარი პირველივე ტურში გამოვლინდა.
დღეს აჭარის უმაღლესი საბჭოს მაჟორიტარული არჩევნების მეორე ტურში "ქართული ოცნება - დემოკრატიული საქართველოს" და "ერთიანი ნაციონალური მოძრაობის" კანდიდატები მონაწილეობენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
