2016-10-28 11:20:55, 718 ნახვა
პოლიტიკა
იანოშ ჰერმანი: ყველა ველოდებით არჩევნების მეორე ტურს
ევროკავშირის ელჩის საქართველოში იანოშ ჰერმანის განცხადებით, მთლიანად საარჩევნო პროცესის შეფასება ჯერ ნაადრევია, რადგან წინ მეორე ტურია.
როგორც მან ჟურნალისტებს განუცხადა, ყველანი სწორედ არჩევნების მეორე ტურსა და საქართველოში მყოფი სადამკვირვებლო მისიის შეფასებებს ელოდებიან:
„ყველა ველოდებით არჩევნების მეორე ტურს. ჩემს პირად შეფასებას ვერ გეტყვით მთელ პროცესზე, რადგან ის ჯერ არ დასრულებულა. აქვე მინდა დავამატო, რომ ევროკავშირის ეგიდით საქართველოში საერთაშორისო სადამკვირვებლო მისია იმყოფება, OSCE/ODIHR-იც და ველოდებით შეფასებას, რომელიც მეორე ტურთან დაკავშირებით იქნება. ასევე, ველოდებით მთლიანი საარჩევნო პროცესის შეფასებას იმ ანგარიშში, რომელიც ეუთო-ს მიერ გამოქვეყნდება“,-განაცხადა იანოშ ჰერმანმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
