ტელეკომპანია „არტარეას" საგამოფენო სივრცე პროექტს "Love Song" მასპინძლობს. გულის ფორმის ხმის ჩამწერი მოწყობილობები, რომელიც არტარეას საგამოფენო სივრცეში განთავსდა, დამთვალიერებელს შესაძლებლობას აძლევს მსოფლიოს სხვადასხვა ქვეყნის მუსიკოსების ნამუშევრებს მოუსმინოს ერთი თემის - სიყვარულის შესახებ.

პროექტი ოთხი ბელგიური სახელოვნებო ორგანიზაციის - ChampdAction, M HKA, (ანტვერპენის თანამედროვე ხელოვნების მუზეუმი) deBuren, და Objectif Exhibitions ინიციატივით შეიქმნა და ის მსოფლიოს სხვადასხვა ქვეყნის არტისტების მიერ გულის ფორმის მოწყობილობებში სიმღერის ჩაწერას გულისხმობს. პროექტის ფარგლებში, მუსიკოსები მათ მიერ ჩაწერილ სიმღერებს უკან უგზავნიან ორგანიზატორებს, რის შემდეგაც ისინი სხვადასხვა საგამოფენო სივრცეში ინაცვლებს.

"Love Song-ის" პრეზენტაცია პირველად, 2014 წელს შედგა ანტვერპენის თანამედროვე ხელოვნების მუზეუმში (M HKA), სადაც გულის ფორმის მოწყობილობებში 300 არტისტის ნამუშევარი იყო წარმოდგენილი, მსოფლიოს სხვადასხვა ქვეყნიდან.

წელს საერთაშორისო პროექტს  ქართველი არტისტებიც შეუერთდნენ და  სხვადასხვა ქვეყნის მუსიკოსებთან ერთად დამთვალიერებლებს ნიკა მაჩაიძის, გიორგი ნებიერიძის, მიშო ჯავახიშვილის, მიშა მდინარაძის, TeTe Noise-ის, ზვიად ბოლქვაძის, ნატალია ბერიძის და სხვა მუსიკოსების მოსმენის შესაძლებლობაც აქვთ.

"Love Song" „არტარეა გალერეაში"  1 ნოემბრამდე დარჩება. პროექტი ტელეკომპანია "არტარეას" კურატორობით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს