ინფორმაციის განვითარების თავისუფლების ინსტიტუტმა  დღეს საქართველოში ყველაზე ღია საჯარო დაწესებულების  დაჯილდოების ცერემონია გამართა.

IDFI-ის სიგელი  ყველა იმ  უწყებას გადაეცა, რომელმაც საჯარო ინფორმაციის  ხელმისაწვდომობის  100%-იანი  მაჩვენებელი აჩვენა. სულ 55 საჯარო დაწესებულება დაჯილდოვდა, მათ შორის-საქართველოს   სტატისტიკის ეროვნული სამსახური.

სტატისტიკის ეროვნული სამსახურის ხელმძღვანელის მერი დაუშვილის განცხადებით, გამჭვირვალე რეჟიმში მუშაობისთვის მუდმივად მზად არიან:

"ჩვენ მოხარულები ვართ, რომ ეს ჯილდო მივიღეთ. უკვე სამი წელია,  ვიღებთ ამ ჯილდოს და ჩვენთვის  მნიშვნელოვანია, რომ  ჩვენი ორგანიზაცია მაქსიმალურად გახსნილი იყოს, საჯარო იყოს და  ინფორმაცია ყოველთვის დროულად მივაწოდოთ დაინტერესებულ პირებს.  ჩვენ არა მხოლოდ IDFI-სთან, ყველა მომხმარებელთან ვცდილობთ,  ამ ურთიერთობის ფორმა ჩამოვაყალიბოთ.

IDFI უშუალოდ სტატისტიკურ პროდუქტებს არ ითხოვს. ის ითხოვს ჩვენი სამსახურის მუშაობის შესახებ ინფორმაციას-რამდენია დასაქმებული, რამდენია გაცემული ანაზღაურება, საპრემიო თანხა; ძირითადად, ადმინისტრაციული ხასიათის ინფორმაციას ითხოვს",-აღნიშნა სტატისტიკის ეროვნული სამსახურის ხელმძღვანელმა მერი დაუშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ

ერდოღანს 2028 წელს მესამედ შეეძლება პრეზიდენტად კენჭისყრა

ვენესუელაში მიწისძვრის შედეგად დაღუპულთა რიცხვი 164-მდე გაიზარდა

კობახიძე: ჩვენთვის არავითარი ფასი არ აქვს ასეთ რეზოლუციებს, მძიმე მდგომარეობაა PACE-ში